AJALI MBAYA ZAIDI ZA NDEGE KUWAHI KUTOKEA KATIKA HISTORIA

ZIJUE AJALI MBAYA ZAIDI ZA NDEGE KUWAHI KUTOKEA DUNIANI

TAREHE 3/3/1974- Watu 346 walifarii dunia katika ajali ya ndege ya Turkish Airlines DC-10 daaba ya kupata hitilafu ghafla muda mfupi baada ya kuruka kutoka Paris Ufaransa, na kuanguka kwenye eneo la wazi la Ermeonville nchini Ufaransa

Tarehe 27/3/1977-Ndege ya KLM Boeing 747 wakati ikianza kukusanya kasi ya kuruka, iliigonga ndege nyingine ya Pan American World Airways Boeing 747 wakati huo  ikiwa kwenye njia ya kurukia, kwenye uwanja wa ndege wa Los Rodeos huko Tanerife visiwa vya Canary na kusababisha vifo vya watu 574 waliokuwemo ndani ya ndege hizo mbili.

Tarehe 25/5/1979-Bawa la kushoto la ndege ya shirika la ndege la American Airlines DC-10 lilikatika na kuanguka wakati ndege hiyo ikijiandaa kuruka kutoka uwanja wa ndege wa kimataifa wa O’Hare, huko Chicago nchini Marekani na kupelekea taharuki iliyosababisha vifo vyawatu 275 waliokuwa ndani ya ndege hiyo na watatu waliokuwa ardhini.

Tarehe 28/11/1979-Kiasi cha watu 275 walipoteza maisha wakati ndege ya shirika la ndege la New Zealand, DC-10 baada ya kugonga mlima Erbus huko Antactica.

Tarehe 12/8/1985-Ajali mbaya zaidi kuwahi kutokea kwa karibu miaka 30 iliyopita na kuhusisha ndege moja tu ya abiria ni ile iliyotokea kwenye milima ya Japan ya kati ambapo jumla ya watu 520 waliuawa wakati ndege ya shirika la ndege ya Japan Airlines chapa namba 127 Boeing 747 ilianguka muda mfupi tu baada ya kuruka kutoka uwanja wa ndege wa Tokyo, Lakini kwa miujiza ya Mungu, watu wane walinusurika.

Tarehe 26/5/1991-Dakika 12 baada ya kuruka, ndege ya shirika la ndege ya Lauda Air chapa namba 004 aina ya Boeing 767 ilisimama ghafla angani na kasha kuanguka kiasi cha maili 70 kusini Magharibi mwa Thailand ambapo watu 223 waliuawa pamoja na wahudumu wa ndege hiyo.

Tarehe 11/7/1991-Breki ya kutua ya ndege ya shirika la ndege ya Nigeria DC-8 ilishika moto baada ya muda mfupi baada ya kuruka kutoka uwanja wa ndege wa Jeddah, Saudi Arabia na ilishindwa kurudi uwanja wa ndege na kuangukia pua kutoka umbali wa futi 10,000 ambapo jumla ya watu 261 waliokuwa ndani ya ndege waliuawa.

Tarehe 26/4/1994-

Rubani wa ndege ya Shirika la ndege la China, chapa namba 140, alimtaarifu muongoza ndege wa uwanja wa ndege wa Nagoya nchini Japan, nia yake ya kutotua na kujaribu njia nyingine. Lakini mambo yalikwenda kombo na muda mfuoi tu baadaye ndege hiyo aina ya Airbus A300 ilianguka wakati ikitua na kupelekea vifo vya watu 264 ambapo pia palipatikana manusura wachache.

Tarehe 17/7/1996-Ndege TWA namba 800 ililipuka angani muda mfupi baada ya kuruka kutoka uwanja wa ndege wa kimataifa wa John F. Kennedy mjini New York na kuacha vipande vya ndege vikianguka kwenye pwani ya visiwa vya Long, Abiria wote 230 walifariki dunia. Chanzo cha mlipuko huo ni hitilafu za umeme, ambapo waya wa umeme ulisafirisha umeme hadi kwenye tenki la mafuka na kutokea mlipuko

Tarehe 12/11, 1996-Ndege ya shirika la ndege ya Saudi Arabia, Boeing 747 na ile ya Kazakhstan II-76 ziligongana juu ya uwanja wa ndege wa New Delhi, nchini India ambapo watu 349 waliokuwemo ndani ya ndege hizo mbili walifariki dunia

Tarehe 6/8/1997-Ndege aina ya Boeing 747 chapa namba 801 ya South Korea, ikiwa karibu kabisa na kumaliza safari yake huko Guam, ilijikuta ikianguka kwenye msitu na watu 228 waliuawa ingawa wengine 26 walinusurika.

Tarehe 26/9/1997-Ndege ya shirika la ndege ya Indonesia aina ya Airbus A300 ilianguka huko Buah Nabar Indonesia ambapo abiria 234 walipoteza maisha, chanzo cha ajali kikielezwa kuwa ni hitilafu za umeme.

Tarehe 16/2/1998-Ndege ya shirika la ndege ya China, mruko namba 676 ikiruka kwenye hali mbaya ya hewa na mvua na ukungu kutoka Indonesia kwenda Taiwan, aliomba sehemu nyingine ya kutua, lakini wakati akijiandaa kurudi alikotoka, ndege hiyo ilianguka maeneo ya jirani ambapo watu 196 waliokuwa ndani ya ndege waliuawa na wengine saba ardhini.

Tarehe 2/9/1998-Ndege ya shirika la ndege ya Swiss ambayo iliondoka uwanja wa ndege wa kimataifa wa John F. Kennedy mjini New York ikielekea Geneva Uswiss, ilianguka pwani ya Nova Scotia, huko Canada na abiria wote 229 waliokuwemo ndani ya ndege hiyo MD-11 chapa 111, ilianguka baada ya kupoteza umeme kwenye ndege nzima.

Tarehe 12/11-2001

Wiki chache baada ya shambulio la kigaidi la Septemba 11 huko Marekani, ndege ya shirika la ndege ya American Airlines, ilisababisha taharuki na hofu kubwa wakati ilipoanguka kwenye bandari ya Belle huko Queen, jumla ya abiria 260 waliokuwemo kwenye ndege hiyo aina ya Airbus A300 waliuawa na watu wengine watano waliokuwa ardhini pia waliauawa

Tarehe 25/5/2002- Dakika 20 baada ya kuruka, ndege aina ya Boeing 747 ya shirika la ndege la China ilijibamiza kwenye Mkondo wa Taiwan na kusababisha vifo vya watu 225

Tarehe 1/6/2009

Ndege ya shirika la ndege la Ufaransa chapa 447 ikitoka Rio de Jeniero nchini Brazil, ikielekea Paris Ufaransa, ilipotea wakati ikiwa inakatisha bahari ya Atlantic na baada ya siku tano baadaye, miili ya kwanza ya watu ilionekana kiasi cha maili 600kwenye pwani ya Kaskazini ya Brazil. Watu 228 walipoteza maisha